ترمپ وایي، جوبایډن باید ټول هغه جنرالان له دندې ګوښه کړي وای چې د افغانستان په مسله کې ښکېل وو.

ويب ډيسک

‏د امریکا پخوانی ولسمشر، ډونالډ ترمپ وایي، جوبایډن باید ټول هغه جنرالان له دندې ګوښه کړي وای چې د افغانستان په مسله کې ښکېل وو.

ډونالډ ټرمپ له جوبایډن سره لومړنۍ ټاکنیزه مناظره کې دغه راز ښاغلی بایډن د امریکا تر ټولو “بد ولسمشر” یاد کړ او په خبره یې که نوموړی د امریکا ولسمشر پاتې شي نو امریکا به له لمنځه یوسي.

‏د امریکا پخوانی ولسمشر، ډونالډ ټرمپ وایي، ولسمشر جوبایډن هغه کس و چې خپل سیاسي مخالفین یې تحقیرول.

سي ان ان په سټډیو کې له جوبایډن سره لومړنۍ ټاکنیزه مناظره کې ډونالډ ټرمپ زیاته کړه چې امریکا د بایډن د واکمنۍ پرمهال خپل شهرت له لاسه ورکړ.

خو جوبایډن د ډونالډ ټرمپ دغه څرګندونې بې اساسه وبللې.

بل لور جوبائډن ټرمپ ته په ځواب کې وویل چې

‏د امریکا ولسمشر جوبایډن وایي، له افغانستان څخه د تخلیې پر مهال یې سلګونه زره افغانان او خپل ځواکونه په خوندي ډول را ایستلي دي.

نوموړي دغه راز ویلي چې د ټرمپ په واکمنۍ کې د القاعده ډلې غړي امریکا ته راننوتل.

بایډن ویلي، ښایي ټرمپ د ناکامۍ په صورت کې د امریکا ټاکنې ونه مني.

د یادونې ده چې نن د بایډن او ټرمپ ترمنځ ټاکنیزه مناظره ترسره شوه، چې دواړو لوریو پر یو بل توندې نیوکې وکړې.