ويب ډیسک
ترکیه وايي، د دغه هېواد هوايي ځواکونو د عراق په شمال او د سوریې په شمال کې د کردي ځواکونو پر ضد یو لړ بریدونه کړي دي.
د راپورونو له مخې، په دغو بریدونو کې ځینې غارونه، پټنځایونه او د مهماتو ګدامونه په نښه شوي دي ترکیه دغو ډلو ته “ترهګر” وایي.
PKK له اوږدې مودې راهیسې په ترکیه کې د کردانو د خودمختارۍ لپاره جګړه کوي او د عراق په کردستان سیمه کې اډې لري.
وای پي جي د سوریې د شمال برخې هم کنټرول لري او د اسلامي دولت ډلې پر ضد یې جګړه کې مهم رول لوبولی دی.
