ويب ډیسک
اوکراین ولسمشر زلینسکي د مارچ په ۸مه نېټه د اې بي سي له خبریال سره په مرکه کې ویلي، چې اوکراین به له روسيې سره د ډله ييز امنیت ضمانت، د دونبس سيمې او د کریمیا د ایندې په اړه خبرې اترې وکړي.
نوموړي ویلي، چې هغه روسيې او پوتین ته دا مالومات ورکړي، چې اوکراین به د خپل هېواد د امنیت ساتلو په اړه د اړوندو هېوادونو تضمین ومني او روسيه هم په دغو هېوادونو کې شامله ده.
نوموړي زیاته کړې، چې اوکراین به د روسيې په شمول له ټولو ګاونډيانو او امریکا، فرانسې او جرمني سره د ډله ييز امنیت ضمانت تړون لاسليک کړي او دا یې اړين کار بللی دی.
