ويب ډیسک
د طالبانو حکومت د بهرنیو چارو وزارت سرپرست امیر خان متقي د ترکیې په رسمي بلنه نن چهارشنبه د یو پلاوي په مشرۍ دغه هیواد ته روان شو.
د طالبانو د بهرنیو چارو وزارت ویلي چې ښاغلی متقي به په ترکیه کې د انتالیا په دپلوماتیک کې ګډون او وینا وکړي.
یاد وزارت ویلي:” د افغانستان د بهرنیو چارو وزیر به په ترکیه کې د انتالیا په دیپلوماتیک فورم کې ګډون وکړي او هلته به د افغانستان په اړه ګډونوالو ته وینا تر څنګ په یوه بحث کې ګډون وکړي او ورسره به د ترکیې او د نړۍ د مختلفو هیوادونو څخه د راغلیو لوړ رتبه هیئتونو سره ناستي او د افغانستان په اړه خبرې اتري وکړي.”
دغه ناسته د روانې مارچ میاشتې له ۱۱ مې څخه تر ۱۳ مې نېټې جوړیږي.
