ویب ډیسک
د امریکا ولسمشر ډونلډ ټرمپ یو ځل بیا ایران ته ګواښ کړی دی چې د خپل اټومي پروګرام په اړه د امریکا سره یو لازمي تړون وکړي، که نه نو “ډېر بدې پایلې” به وې. ټرمپ ایران ته د ۱۰ څخه تر ۱۵ ورځو پورې یو وروستی مهلت هم ورکړی دی.
په پنجشنبه ورځ د “بورډ آف پیس” لومړۍ غونډې ته د وینا پر مهال، ولسمشر ټرمپ وویل چې د ایران سره خبرې مثبتې وې، خو تهران ته اړتیا ده چې ژر تر ژره یو بامعنا تړون وکړي. که نه نو ډېر بدې پایلې به وې.
ټرمپ د جون میاشتې کې ایران باندې د امریکا بریدونو په اړه وویل چې موږ د ایران اټومي وړتیا ختمه کړې ده. اوس یا باید موږ له دې څخه لا ډېر څه وکړو، یا دا چې دا اړتیا نشته. دا به تاسو ښایي په راتلونکو ۱۰ ورځو کې پوه شئ. وروسته، ټرمپ وویل چې ایران ته تر ټولو زیات ۱۰ څخه ۱۵ ورځې وخت پاتې دی.
په بل اړخ کې، ایران د ملګرو ملتونو د سرمنشي ته یو لیک لېږلی دی چې پکې یې ویلي دي چې تهران هیڅکله جګړه نه پیلوي، خو که چیرې پر دې باندې کوم برید وشي، نو ځواب یې مناسب او قاطع وي. ایران ویلي دي چې د برید کوونکي ځواک ټول پوځي اډې، تاسیسات او شتمنۍ په سیمه کې زموږ د مشروع هدفونو برخه ګڼل کېږي او د ټولو پایلو مسؤلیت به د امریکا پر غاړه وي.
