ویب ډیسک
د ناروې حکومت له خپلې خاورې هغه ۱۵ روسي دیپلوماتان وباسي چې ادعا یې کړې د دیپلوماتیک چتر لاندې یې جاسوسي کوله.
د ناروې د بهرنیو چارو وزیرې ویلي مسکو ته به هېڅکله اجازه ور نه کړي چې خپل سفارت د پټو استخباراتي فعالیتونو لپاره وکاروي او زیاته کړې یې ده چې یاد دیپلوماتان باید ژر تر ژره د ناورې هېواد پرېږدي.
په اسلو کې د روسیې سفارت یاد اقدام «غیردوستانه» بللی او ګواښ یې کړی چې ناروې به یې له غبرګون سره مخ شي.
روسي رسنیو خبر ورکړی چې د کرملېن به هم د ناروې د دې اقدام پر وړاندې «متقابل ځواب» ووايي.
پر اوکراین د روسیې له برید را وروسته استوانیا، هالنډ او اترېش هم په اپرېل میاشت کې روسي دیپلوماتان له خپلو خاورو ویستلي ؤ.
#Norway #Russia
