ويب ډیسک
ناپېژانداو وسله والو په ډزو د بغلان د تاله وبرفک د ډبرو سکرو کان یو کاریګر مړ او یو بل سخت ټپي شوی دی.
د بغلان ولایت په تاله و برفک ولسوالۍ کې سرچینې تاییدوي چې د ډبرو سکرو دوه کاریګر د شنبې په ورځ د لړم په ۲۲مه له غرمې وروسته د ناپېژانده وسله والو له برید سره مخ شول.
د تاله وبرفک ولسوالۍ د ډبرو سکرو د کان یو شمېر ویلي چې پر دوو همکارانو یې د ناپېژانده وسله والو له خوا ډزې وشوې چې په پایله کې یو تن مړ او بل په سر سخت ټپي شوی دی.
