ویب ډیسک
د ایران د بهرنیو چارو وزارت ویاند اسماعیل بقايي وايي د ایران او امریکا ترمنځ خبرې نن د اپرېل په ۱۲مه نېټه عمان کې پيل شوې.
هغه زیاتوي چې په دې خبرو کې د ایران له خوا د بهرنیو چارو وزیر عباس عراقچي او د متحده ایالاتو له لوري منځني ختیځ لپاره د ولسمشر ټرمپ ځانګړی استازی سټیو ویتکوف ګډون کړی دی.
د بقایي په وینا د خبرو منځګړتوب د عمان د بهرنیو چارو وزیر بدر البوسعیدي کوي.
د ایران مذهبي مشر سید علي خامنه اي تر دې وړاندې امریکا سره خبرې رد کړې وې او هغه یې «بدمعاش» هیواد بللی و.
د امریکا ولسمشر ډونالډ ټرمپ ګواښ کړی و چې که ایران خبرو ته حاضر نه شي، په اتومي تاسیساتو به یې بریدونه وکړي.
# #USIRAN #OMAN #IRAN #US
