ویب ډیسک
د آلمان خارجه وزیر نن په اسلام آباد کې وويل چې آلمان به طالبانو له خوا د یو نوی حکومت تاسیس ته انتظار وباسي او وبه ګوري چې آيا دغه ډله به د خپلو ژمنو پر اساس هغو افغانانو ته اجازه ورکړي چې غواړي د کابل هوايي ډګر څخه په الوتکو کې ووځي او که نه.
هایکو ماس د سې شنبې په ورځ د خپل پاکستاني سیال شاه محمود قریشي سره په يو خبري کنفرانس کې وويل: «طالبانو ژمنه کړې، خو موږ به په راتلونکو ورځو او اوونیو کې وګورو چې آیا په هغې باندې حساب کولای شو که نه.»
ماس زیاته کړه: «طالبان غواړي یو نوی حکومت تاسیس کړي او دا به موږ ته ښکاره کړي چې آیا هغوی زموږ غوښتنې ته چې ټولشموله ده وګوري او که نه.»
د رپوټونو پر اساس، د آلمان حکومت غواړي ۴۰ زره افغانان آلمان ته راولي. د آلمان خارجه وزير په همدې مو…
