ویب ډیسک
د چین د بهرنیو چارو وزارت ویاند د امریکا د پخواني ولسمشر ډونالډ ټرمپ له خوا د ایران د ستر مشر آیت الله خامنهاي پر ضد د تحقیر ډک بیان په غبرګون کې وویل چې چین د ایران او اسرائیل ترمنځ پر روان شخړه ژورې اندېښنې لري او د هغو کړنو مخالف دی چې د ملګرو ملتونو منشور، د هیوادونو ملي حاکمیت او سیمه ییز تمامیت تر پښو لاندې کوي.
ټرمپ دا څرګندونې کړې وې چې دوی پوهېږي خامنهاي چیرې دی او د امریکا صبر ختمېدونکی دی، خو د چین د بهرنیو چارو وزارت ویاند خبرداری ورکړی چې په منځني ختیځ کې د سولې خرابول د هېڅ لوري په ګټه نه دي، فشار او ګواښونه شخړه نوره هم پراخوي.
د چین ولسمشر شي جین پینګ د امریکا نوم نه یادولو سره، د جګړې پراخېدو په اړه اندېښنه وښوده.
چین چې په ۲۰۲۳ کال کې یې د ایران او سعودي عربستان ترمنځ د اړیکو د بېرته ټینګښت کې مهم رول ولوباوه، اوس هم غواړي د ایران-اسرائیل د جګړې په تړاو منځګړیتوب وکړي. خو امریکا له بلې خوا په سیمه کې خپل پوځي حضور زیاتوي او د ولسمشر د تېرو سختو خبرو له کبله سیمه ییز امنیت له خطر سره مخ دی.
اقتصادي پایلې
د ایران او اسرائیل ترمنځ جګړه او پکې د امریکا شمولیت به د آبانائے هرمز د بندېدو ګواښ راولاړ کړي، چیرې چې د نړۍ شاوخوا ۲۰٪ نفت او ګاز انتقالېږي. د دې بندر بندېدل به نړیوالو بازارونو ته شدید زیان ورسوي، او د تیلو بیې به لوړې شي، کوم چې به د نړیوال اقتصاد لپاره ستر خطر وي. چین د ایران د تیلو ستر واردوونکی هېواد دی، نو د جګړې له امله به چيني اقتصاد ته هم ضربه ورسېږي.
چین-امریکا اړیکې له کړکېچ سره مخ
چین له امریکا غوښتنه کړې چې د منځني ختیځ ثبات ته ژمن پاتې شي، خو که امریکا د چین خبرداري له پامه وغورځوي، نو د دواړو هېوادونو اړیکې به نوره هم ترینګلې شي.
#ایران_اسرائیل_جګړه #چین_غبرګون #امریکا_ښکېلتیا #مشرقي_ختیځ_امن #نړیوال_اقتصاد #آبنائے_هرمز #چین_امریکا_کړکېچ #جیو_سیاسی_پایلې
