ویب ډیسک
د افغانستان د ملي دفاع وزارت وایي چې دفاعي او امنيتي ځواکونو سره متقابل بریدونو او نښتو کې ۲۴۸طالبان ووژل شول ۱۳۷ ټپیان شول او ۱۲ نور ونیول شول.
همداراز د دښمن یوه اندازه وسلې او مهمات له منځه وړل شوي.
د دې په خواکې ۴۲ بېلابېل ډول ماینونه چې طالبانو د هېواد په مختلفو سیمو کې د ملکي خلکو، دفاعي او امنیتي ځواکونو د تګ راتګ په لارو کې ځای پرځای کړي وو، د ملي اردو ځواکونو له لوري کشف او خنثی شول.
دغه طالبان د هېواد غزني، لوګر،کندهار، فاریاب، بلخ، هلمند، کندوز، بغلان، بدخشان او کابل ولایتونو کې وژل شوي، ټپیان او نیول شوي دي. خو تراوسه طالبانو په اړه څه نه دي ویلي.
