ويب ډیسک
د روسیې د څېړنې کمېټې ویلي، د کراکوس ښار په تالار کې په ترهګریز برید کې له ۶۰ زیات کسان وژل شوي او ښايي د قربانیانو شمېر نور هم زیات شي.
د مسکو سیمهییز والي وروبیوف ویلي؛ د ۱۰ ماشومانو په ګډون یې ۱۱۵ ټپیان له برید وروسته روغتونونو ته لېږدولي چې د ۶۰ لویانو روغتیايي وضعیت نازک دی.
دسپوتنیک خبري اژانس د انځورونو په اساس د پېښې له ځایه لا هم لوګي خیږي؛ خو د روسیې د بېړنیو حالاتو وزارت وايي چې ۴۷۷ کسان او ۱۸۳ تجهیزات د د برید له امله د اور په وژلو کې ښکیل وو.
د یاد برید له کبله روسیې د نړۍ له ګوټ ګوټه څخه د غندنې او خواخوږۍ پیغامونه ترلاسه کړي؛ خو د سپینې ماڼۍ د ملي امنیت یوه ویاند ویلي چې ولسمشر جوبایډن پلان نه لري چې پوتین ته د برید په اړه ټلیفون وکړي.
