ويب ډیسک
له افغان شخصيتونو سره د طالبانو حکومت د تماس کميسيون هیواد ته د پخواني حکومت د امنيت شورا د مرستيال عبدالحکيم نورزي د ستنېدو خبر ورکړ.
یاد کمېسیون نن پنجشنبه ویلي چې ښاغلی نورزی د دوی په هڅو بیرته افغانستان ستون شو.
له افغان شخصیتونو سره د طالبانو د تماس کمېسیون ویلي چې تیره ورځ د مشرانو جرګې مشاور او د عالمانو شورا غړی مولوي عبدالخبير چيچکه هم هېواد ته راستون شو.
د دغه کمېسیون د معلوماتو په اساس تر دا مهاله څه باندې ۱۰۰ تنه افغان شخصیتونه د دوی په هڅو هیواد ته ستانه شوي دي.
