ویب ډیسک
د دفاع وزارت وایی چی دفاعي او امنیتي ځواکونو د هوايي قواوو په ملاتړ، د کندوز ولایت “خان اباد”ولسوالۍ کې ترهګرو طالبانو باندې تصفیوي عملیات ترسره کړل، چې طالبانو ته درنې مرګ ژوبلې اوښتو سره، د امنیې قوماندانۍ او ولسوالۍ مقام څخه په شا وتمبول شول.
ددغو عملیاتو په پایله کې نن ددغې ولسوالۍ امنیې قوماندانۍ، بازار او یوشمیر نورې سیمې د دښمن له شتونه پاکې، ۳۵ طالب ووژل شول ، ۲۰ نور ټپیان شول او ددغې ولسوالۍ د شاوخوا سیمو د پاکېدو په موخه چاڼیز عملیات په چټکي سره دوام لري.
همداراز ددغو عملیاتو په پایله کې د دښمن زیات شمیر وسلې او مهمات د افغان ځواکونو لاسته ورغلي دي.
افغان دفاعي او امنیتي ځواکونه د خان اباد ولسوالۍ قدرمنو اوسیدونکو ته ډاډ ورکوي چې دغه ولسوالۍ به په بشپړه توګه د دښمن له شتونه پاکوي او د دوی د امنیت د ټينګښت په برخه کې هر ډول قربانیو ته چمتو دي.
