ويب ډیسک
د پکتیا ځايي چارواکي وايي، شنبه د عقرب په دویمه د دې ولایت په ګردېز ښار کې د دوو ښځو جسدونه موندل شوي دي.
پکتیا کې د طالبانو د اطلاعاتو او فرهنګ رئیس خالقیار احمدزی وايي، دغه دوه ښځې د کابل ولایت د شکردرې ولسوالۍ اوسېدونکي دي.
د هغه په وینا، پېښه تېره شپه د نامعلومو کسانو له لوري په ډزو وژل شوې ده.
چارواکي وايي، په دې اړه پلټنې پیل شوي خو د دې پېښې لامل نه دی روښانه شوی.
تر دې دمه کوم شخص یا ډلې د دې اقدام مسوولیت په غاړه نه دی اخیستی.
