ويب ډیسک
د بریتانیا د کورنیو چارو وزیر وايي، بریتانیا ته د اوکراینیانو د ننوتلو نوې ساده لاره به د راتلونکې سه شنبې په ورځ پیل شي.
پریټي پټېل د بریتانیا ولسي جرګې ته وویل چې هغه اوکرایني کډوال چې پاسپورټ لري نور اړتیا نه لري چې د ویزو غوښتنلیک مرکزونو ته مراجعه وکړي.
هغه وویل، د دې پرځای چې اوکراینیان کولی شي د بریتانیا ویزې لپاره آنلاین نوم لیکنه وکړي او خپل بایومتریک معلومات ثبت کړي.
میرمن پټیل وویل: «اوکرایني وګړي چې هر ځای کې وي، کولی شي آنلاین اجازه واخلي او بریتانیا ته راشي.»
د بریتانیا د کورنیو چارو وزارت دغه پرېکړه د دغه هېواد د امنیتي ارګانونو له سپارښتنې وروسته کړې ده.
اوکراینیان به د تایید ایمیل ترلاسه کړي چې له مخې یې الوتکې، ریل ګاډي یا کښتۍ ته د ختلو اجازه ورکړي، وروسته به، د بایومتریک معلوماتو له ثبتولو وړاندې مهري مجبور شي چې په پاسپورټ کې بریتانیا ته ننوځي.
د بریتانیا د کورنیو چارو وزیر ویلي چې په اروپا کې د ویزو غوښتلو مرکزونه اوس له پاسپورټ پرته اوکراینیانو ته ځانګړي شوي دي.
هغه وویل چې د دغو مرکزونو ظرفیت لوړ شوی او دوی کولی شي په اونۍ کې تر ۱۳ زرو پورې د ویزو غوښتنلیکونه بیاکتنه وکړي.
