ویب ډیسک
د مالیې وزارت د ګمرکونو لوی ریاست په ګمرکونو کې د کمیشنکارانو د یوزرونو بندېدو په لړۍ کې د روانې اوونۍ د پنجشنبې په ورځ چې د غویې/ثور میاشتې ۲۳ مه نېټه کیږي، د اندخوی، سپین بولدک او تورغونډۍ (محصولي او ترانزیټي)، حیرتان او ابونصر فراهي د ګمرکونو د کمېشنکارانو یوزرونه بندوي.
د ګمرکونو لوی ریاست له هغو سوداګریزو شرکتونو څخه چې د یادو ګمرکونو له لارې واردات او صادرات لري، غوښتنه کوي چې ژر تر ژره د اسیکوډا په سیستم کې یوزر جوړ کړي څو د توکو په طی مراحلو کې له ځنډ څخه مخنیوی وشي.
د یادونې وړ ده چې د ګمرکونو لوی ریاست له دې وړاندې هم د (پکتیکا، بدخشان، ډنډ پټان، غلام خان، پست پارسل، کنړ، تخار، شیرخان بندر، خوست، پکتیا، آقینه، کندز، د کندهار، بلخ، هرات او حامد کرزي هوایې ډګرونو، ) د کمېشنکارانو یوزرونه بند کړي دي.
