ويب ډیسک
د ملګرو ملتونو امنیت شورا سبا دوشنبه د افغانستان د وضعیت په اړه غونډه کوي.
دغه غونډه د روسیې په غوښتنه ترسره کیږي، څو د افغانستان وضعیت او په دغه هېواد کې د امریکا او ناټو د پوځي مداخلې د اغېزو ارزونه وشي.
دا په داسې حال کې ده، چې د طالبانو له واکمنۍ وروسته افغانستان له بې ساري بشري او اقتصادي ناورين سره مخ شوی دی.
د ملګرو ملتونو د بشرپالنې مرستو مشر مارټين ګرفټس ویلي، چې اقتصاد، طبیعي پېښې او د ښځو او نجونو حقونه په افغانستان کې له عمده ننګونو دي او بېړنۍ پاملرنې ته اړتیا لري.
