د بلوچستان په کوټه کې له روغتون څخه یو بندي تښتېدلی، ۵ تنه پولیس له دندو ګوښه کړای شوي دي. دغه پیښه د «بي ایم سي» روغتون کې رامنځته شوې، چې یو بندي درملنه ته وړل کیده تښتېدلی، د پولیسو په وینا، پنځه چارواکي یې له دندو څخه ګوښه کړي دي.
د کوټې پولیسو ویلي، چې بندي «پټواری تاج محمد» د لورالایي زندان څخه روغتون ته د درملنې لپاره لیږدول شوی. تورن تاج محمد د قتـ.ـل په قضیه کې نیول شوی دی.
د کوټې پولیسو زیاته کړي، د امنیت انچارج سب انسپکټر منظور احمد په ګډون پنځه چارواکي په خپلو دندو کې د غفلت له امله ګوښه شوي دي. د لورالایي ډی آی جي د ایس پي په مشرۍ د تحقیقاتو ټیم جوړ کړی دی.
د بروري پولیس سټیشن کې د چارواکو په وړاندې قضیه ثبت شوې ده. د تښتیدلي زنداني په وړاندې هم قضیه ثبت شوې او لټون پیل شوی دی.
