ویب ډیسک
پاکستان رسنيو د سپتمبر په ۱۲مه نېټه خبر ورکړی، چې په همدې ورځ د دې هېواد په خيبر پښتونخوا کې د سختو بارانونو او د غره ښويېدنې له امله ۱۲ تنه مړه شوي او ۲ تنه ټپيان شوي دي.
د خبر له مخې، د خيبر پښتونخوا په مانسهرا کې سخت باران شوی، چې له امله يې غر ښويېدنه رامنځته شوې ده.
د دغې پېښې له امله څو ودانۍ ويجاړې شوي او هغه مهال په دغو ودانيو کې ۱۶ کسان شتون درلود. خبري رسنۍ وايي چې لا هم دوه تنه ورک دي او د پلټنې کارونه روان دي. ټپيان نژدې روغتون ته لېږل شوي دي.
