ويب ډیسک
د کاپیسا ولایت په تګاب ولسوالۍ کې د واده په مراسمو د هاوان مرمۍ لګیدلې چې له امله یې شپږ ملکي کسان وژل شوي.
د کاپیسا د والي ویاند شایق شورش وایي،
پرون ماسپښین د وسله والو طالبانو او ولسي پاڅون کوونکو ترمنځ نښته رامنځ ته شوه، چې له امله یې د هاوان یوه مرمۍ په یوه کور چې د واده مراسم پکې روان وو، لګیدلې او له امله یې د ماشومانو په شمول ۶ کسان وژل شوي او ۱۰ نور ټپیان شوي دي.
چارواکي وایي، دا مرمۍ د طالبانو له خوا توغول شوې خو طالبانو تر اوسه په دې اړه رسنیو ته څه نه دي ویلي.
