ویب ډیسک
د امریکا ولسمشر ډونالډ ټرمپ په ایر فورس ون الوتکه کې د سفر پرمهال خبریالانو ته ویلي، چې له ایران سره خبرې اترې ښې روانې دي.
تر دې وړاندېسپینې ماڼۍ په یوه رسمي اعلامیه کې ویلي و، چې د امریکا د ولسمشر ځانګړي استازي او د ایران د بهرنیو چارو وزیر سید عباس عراقچي ترمنځ “مستقیمه اړیکه “د دواړو هیوادونو لپاره ګټورې موافقې ته د رسیدو په لاره کې یو ښه ګام و.
بلخوا د ایران د بهرنیو چارو وزیر ویلي، چې خبرې اترې “د متقابل درناوي پر بنسټ په رغنده فضا کې ترسره شوې دي. نوموړي زیاته کړې چې دا خبرې اترې “غیر مستقیمې” وې.
