ويب ډيسک
د برېټانیا پارلمان هغه طرحه تصویب کړه چې لمخې به یې ناقانونه کډوال رونډا هېواد ته استول کیږي.
اسوشیټيډ پرېس خبري اژانس په یوه راپور کې ویلي، د برېټانیا پارلمان تېره ورځ ناوخته، د لومړي وزیر، ریشي سوناک له لوري وړاندیز شوې طرحه تصویب کړه چې پر بنسټ به یې هغه ناقانونه کډوال چې په قاچاقي بڼه په کوچنیو کښتیو کې دغه هېواد ته رسېدلي، رونډا ته واستوي.
راپور زیاته کړه چې دغه طرحه به په راتلونکې جولای میاشت کې پلې شي او د دغو ناقانونه کډوالو قضیې به بیا په رونډا کې څېړل کیږي.
#طلوعنیوز
