ويب ډیسک
د افغانستان کرېکټ شپږيزه ليګ کې د پخوا په څېر نن هم دوې سيالۍ وشوې.
لومړۍ لوبه د پامير زلمي او امو نهنګانو تر منځ وشوه چې امو نهنګانو د ۲۹ منډو په توپیر وګټله. پامیر د پچې له ګټلو سره د توپ اچولو پرېکړه وکړه
.
امو نهنګانو د نهو لوبغاړو په سوځېدو د ۱۱۰ منډو هدف وټاکه چې پامير زلمي پوره نشوی کړی
.
د امو نهنګانو لوبډلمشر احسان الله جنت ۵۴ منډې وکړې او له دې سره غوره لوبغاړی ونومول شو.
دويمه لوبه د سپين غر پړانګانو او بند امير ښامارانو تر منځ وشوه چې سپين غر پړانګانو په ۹۷ منډو وګټله.
بندامير پچه وګټله او دوی هم لومړی د توپ اچولو پرېکړه وکړه. د سپين غر لوبډلې نجيب الله ځدراڼ تر ټولو ډېرې ۸۱ منډې وکړې. بهار شينواي ۵۷ او عثمان غني ۳۱ منډې جوړې کړې.
