ويب ډیسک
د افغانستان لپاره د پاکستان ځانګړی استازی وايي، په پاکستان او یا هم تورخم کې بند پاتې افغانان کولای شې د اپرېل میاشتې تر ۲۹ مې پر تذکرو افغانستان ته واوړي.
نوموړي نن دوشنبه پر خپل ټویټر پاڼه لیکلي چې بند پاتې کسان باید له دغه فرصت څخه استفاده وکړي.
هغه ویلي چې له معمول سره سم په تورخم کې یوازې ناروغانو ته د وېزې پرته د تېرېدو اجازه ورکول کیږي.
د راپورنو له مخې له تورخم څخه تېرېدو لپاره د پاکستان حکومت لخوا د شرایطو سختېدو سره ګڼ افغان مسافر له ستونزو سره مخ شوي و.
