ويب ډیسک
د ۱۴۰۲ هجري په لړم میاشت کې د پاکستان لنډمهالي حکومت د افغان کډوال د راایستلو پرېکړه وکړه او تر دې دمه نیم میلیون افغان کډوال له پاکستانه را ایستل شوي دي.
د پاکستان نوي حکومت د افغان کډوالو پر وړاندې د یاد هېواد د لنډمهالي حکومت پالیسۍ ته دوام ورکړی او د افغان کډوالو د ایستلو دویم پړاو پرېکړه یې کړې ده.
د یاد هېواد د کورنیو چارو وزیر ټینګار کړی چې د «غیرقانوني» افغان کډوالو د ایستلو دویم پړاو به پیل کړي.
د پاکستان د کورنیو چارو وزیر، محسن رضا نقوی په لاهور کې خبریالانو ته ویلي چې په سند او پنجاب ایالتونو کې یې د افغان کډوالو د پېژندلو لړۍ پیل کړې ده.
د ملګرو ملتونو د کډوالو چارو ادارې د راپور له مخې چې د ۱۴۰۲ د لړم میاشتې له پیل تر دې دمه له ۵۰۰ زره ډېر افغان کډوال ایستل شوي دي.
پاکستاني چارواکو ویلي چې د کډوالو د ایستلو لړۍ درې پړاوونه لري. په لومړي پړاو کې ټول «غیرقانوني» کډوال وباسي. په دویم پړاو کې بیا هغه کډوال وباسي چې د اوسېدنې کارتونه لري او په درېیم پړاو کې بیا هغه کډوال پېژندل کېږي او ایستل کېږي به چې د ملګرو ملتونو د کډوالۍ کارتونه ورسره دي.
بلخوا اسلامي امارت د پاکستان له نوي حکومته غوښتي چې د افغان کډوالو پر وړاندې د جبر پالیسي پایته ورسوي، خو پاکستاني چارواکي ټینګار کوي چې په کمسارې توګه ټول «غیرقانوني» کډوال وباسي.
د ویلو ده چې دا مهال په پاکستان کې شاوخوا ۱٫۷ میلیونه «غیرقانوني» افغان کډوال ژوند کوي.
