ویب ډیسک
خامنهاي د اسرائیلي هوايي بریدونو له کبله خپل ډېر مهم نظامي او امنیتي مشاورین له لاسه ورکړي، چې دا کار د هغه په داخلي حلقه کې لوی تشې رامنځته کړي او د ستراتیژیکو تېروتنو خطر یې زیات کړی، د هغه له پریکړو سره آشنا پنځو سرچینو د دې خبرې پخلی کړی دی.
یوه له دغو سرچینو چې په دوامداره توګه له خامنهاي سره د ناستو ګډونوال دی، وویل چې د دفاعي او داخلي ثبات په مسایلو کې د ایران لپاره د غلطو محاسباتو خطر “بېسارې خطرناک” دی.
له جمعې ورځې راهیسې څو لوړپوړي نظامي قوماندانان وژل شوي، چې پکې د سپاه پاسداران عمومی قوماندان حسین سلامي، د هوايي فضايي برخې مشر امیرعلي حاجيزاده – چې د ایران د بالستیک توغندیو پروګرام یې اداره کاوه – او د استخباراتو مشر محمد کاظمي شامل دي.
دا کسان د ستر مذهبي مشر د مشاورینو له هغې داخلي حلقې سره تړلي وو چې شمېر یې شاوخوا ۱۵–۲۰ کسانو ته رسېږي او پکې د سپاه قوماندانان، دیني عالمان او سیاستوال شامل دي، د یادو سرچینو په وینا چې درې یې د ستر مشر د مهمو پرېکړو په غونډو کې ګډون کړی یا کوي او دوه نور د هغو چارواکو نژدې کسان دي چې دا ډول غونډو ته تلل کیږي.
دغه غیر رسمي ډله معمولا هغه مهال راټولېږي کله چې د خامنهاي دفتر اړونده مشاورین د تهران په ماڼۍ کې د یوه مهم تصمیم لپاره راوغواړي، لکه څرنګه چې ټولې سرچینې وایي.
دوی هغه کسان دي چې خامنهاي ته بغیر له کومه شرطه وفادار دي او د اسلامي جمهوریت د نظام له ایډیالوژۍ سره ژور تړاو لري.
خامنهاي، چې له ۱۹۷۹ انقلاب مخکې زنداني شوی و او له رهبر کېدو مخکې د بم یوه برید له امله ټپي شوی، ژور هوډ لري چې د ایران اسلامي حکومت وساتي او پر لویدیځ سخت بېباوره دی.
