ویب ډیسک
د ملګرو ملتونو د خوړو او کرنې اداره وايي، چې د وروستیو سېلابونو له امله په بدخشان ولایت کې له زر ډېرې کورنۍ زیانمنې شوې دي.
یاد سازمان زیاته کړې چې سېلابونو ځايي مالدارانو ته د څارویو د تلف کېدو او کرنیزو ځمکو د تخریب درانه زیانونه اړولي دي.
د شریکو شویو ارقامو له مخې په جرم او بهارک ولسوالیو کې ۱۲ سوه هکټاره کرنیزه ځمکه تخریب او به ۵۰۰ زیات څاروي تلف شوي دي.
د ملګرو ملتونو د خوړ او کرنې ادارې په وینا، د دوی شریکان د احتمالي مرستو د پلان جوړونې مخکې، د لرې پرتو سیمو اړتیاوې ارزوي.
د معلوماتو له مخې په بدخشان کې سېلابونو دوه تنه مړه کړي او درې نور یې ټپیان کړي هم دي.
د طالبانو پېښو سره د مبارزې ادارې ویلي، چې یو شمېر استوګنځي، سړکونه، کرنیزې ځمکې او نور تاسیسات یا ویجاړ شوي یا هم په بشپړ ډول له منځه تللي دي.
د یادونې وړ ده چې د یادو سېلابونو له امله د بدخشان ولایت فیض آباد – بهارک لویه لاره هم تړل شوې چې طالبانو یې د پاک کارۍ چارو خبر ورکړی.
# #Afghanistan #Badakhshan #UN
