ويب ډیسک
د افغاني سرې میاشتې ادارې مشر مولوي مطیع الحق خالص وايي، تېرو څو اونیو کې د سړې هوا، ګازنیونې او اورښتونو له امله ۱۷۵ تنه وژل شوي، ۳۰ ټپیان دي او ۸۰ زره څاروي له منځه تللي دي.
د سرې میاشتې د راپور له مخې دا مهال افغانستان کې ۱۰ میلیونه کسان بشري مرستو ته اړتیا لري.
خو د ملګرو ملتونو د ماشومانو ملاتړ صندوق (یونیسف) وايي، ۲۰۲۳ کال کې څه باندې ۲۸ میلیونه افغانان بشري مرستو ته اړ دي.
له دې وړاندې د ملګرو ملتونو د بشري چارو همغږۍ دفتر (اوچا) ویلي ؤ، مرستندویه مؤسسو کې د ښځو پر کار بندیز، د مرستو وېش سخت اغېزمن کړی دی.
