ویب ډیسک
د ولسي جرګې د دارالانشا له خوا پارلماني چارو وزارت ته په استول شوي مکتوب کې ویل شوي دا چې د نا معلومو دلایلو له امله د پاکستان پارلماني پلاوي الوتکې ته د حامد کرزي هوايي ډګر کې د ناستې اجازه نه ده ورکړل شوې باید اړوند مسوولان یې په اړه وضاحت ورکړي.
په دې مکتوب کې د کورنیو چارو او ملي دفاع وزارتونو سرپرسانو، د ملي امنیت رئیس، د هوایي چلن ادارې رئیس او د حامد کرزي هوایي ډګر مسوولانو څخه غوښتنه شوې،
څو د ولسي جرګې د رئيس کاري دفتر ته ورشي او په دې اړه وضاحت ورکړي.
په پام کې وه پرون د پاکستان د ولسي جرګې رئيس او پلاوی د افغانستان د ولسي جرګې رئیس میر رحمان رحماني په بلنه کابل ته راشي خو ظاهرا د امنیتي ستونزو له امله یې د حامد کرزي هوایي ډګر کې الوتکې ته د ناستې اجازه ورنه کړل شوه.
