ویب ډیسک
ولسمشر وایي په هرات کې د طالبانو وروستي برید وښوده، چې دغه ډله د روان ناورین او جګړې د پای ته رسېدو اراده نه لري.
ولسمشر غني په هرات ولایت کې د تېرې شپې موټربم برید، چې د ښځو او ماشومانو په ګډون ګڼو کسانو ته پکې مرګ ژوبله واوښته غندلی او دا کار یې د طالبانو بللی دی.
ولسمشر ویلي، طالبان دعام خلکو پرضد نامشروع جګړې ته په دوام ورکولو سره د جنګ د ختمېدو اراده نه لري ،وضعیت لا پیچلی کوي او د سولې برابر شوی فرصت ضایع کوي.
ولسمشر ویلي،د طالبانو دغه راز بریدونه یوازې د دوی پر وړاندې د خلکو کرکه زیاتوي.
