ویب ډیسک
د ملګرو ملتونو د خوړو او کرنې ادارې(FAO) په افغانستان کې له رامنځته شوې وچکالۍ څخه د وضعیت پر خرابېدو اندېښنه څرګنده کړې او وایي، چې ۱۹ ولایتونه یې اغېزمن کړي او شمالي سیمې د وچکالۍ له ناورینه د ځورېدو په حال کې دي.
د خوړو او کرنې ادارې د څرګندونو له مخې؛ پراخ کرنیز فصلونه مخ پر وچېدو دي، څړځایونو له منځه تللي او د اوبو د سرچینو ورکېدا کلیوالي ټولنې د سقوط په درشل کې دي.
دې ادارې خبرداری ورکړی، چې که پر لویه کچه فرصتونه له لاسه ووځي؛ د افغانستان پراخې سیمې به د وچکالۍ له ناورین سره مخ شي.
