ويب ډيسک
د افغانستان د سرپرست حکومت اداري مرستیال په مشرۍ کونړ ته تللي پلاوي د دغه ولایت په خاص کونړ ولسوالۍ کې د بېرته راستنېدونکو کډوالو لپاره د یوه استوګنیز ښارګوټي د جوړولو په موخه د بنسټ ډبره کېښوده.
په دغه پلاوي کې د کور او ښار جوړولو وزیر شیخ حمدالله نعماني هم مل و، چې راستنو شویو ۳۸۲ کورنیو ته د نمرو د وېش لړۍ هم پیل کړه.
نومودي ویلي، چې پاتې ثبت شویو کورنیو ته به هم د دغه ولایت په نورو برخو کې تثبیت شوې ځمکې ورکړل شي.
په ورته وخت کې هغه کورنیو چې د دایمي مېشت کېدو په موخه یې نمرې ترلاسه کړې خوښي څرګنده کړې او له ا.ا څخه یې مننه کړې، چې په دغه برخه کې یې د ستونزو په حل کې ورسره مرسته کړې.
