ويب ډیسک
د راپورونو له مخې، د ایران په سراوان سیمه کې نن سهار وخته د درنو چاودنو غږونه اوریدل شوي دي.
په ټولنیزې شبکې اېکس کې یو شمېر رسنیو او پاکستانیو خبریالانو لیکلي، چې پاکستانیو ځواکونو دایران د برید غچ اخیستی او په سراوان کې یې د پاکستان د بلوڅانو د خپلواکۍ غوښتونکې ډلې (بي اېل ای) پر مرکزونو یې د بې پیلوټه الوتکو او توغندویو بریدونه کړي دي.
تر اوسه د پاکستان او ایران حکومتونو په رسمي توګه په دې اړه څه نه دي ویلي.
ایران پرون د پاکستان د بلوچستان ایالت په پنجګور سیمه کې د جیش العدل ډلې پر مرکزونو هوایي او ځمکني بریدونه کړي وو.
په دې اړه به نور جزییات وروسته خپاره شي.
