ويب ډیسک
د پاکستان موقت صدراعظم انوارالحق کاکړ وایي، افغانستان کې د امریکا پاتې شوې وسلې پاکستان او د سیمې نورو هېوادونو ته ګواښ جوړ کړی دی.
هغه وایي، د امریکا د تخلیې د ناسم پلان له امله پاتې شوې وسله څه د ت.البانو او څه د نورو جرمي ډلو لاس ته ورغلې چې په راتلونکي کې چین، ایران، مرکزي آسیا او نورو هېوادونو ته ګواښ پېښوي.
کاکړ وایي، پاکستان کې د دې پاتې شویو وسلو تاثیر د بریدونو په بڼه پیل شوی او نور هېوادونه دې خپل نوبت ته په تمه وي.
نوموړی وایي، موږ فکر کاوه چې پر افغانستان د ت.البانو له واکمنۍ سره به حالات ښه شي، خو هغه برعکس بد شول.
د یادونې وړ ده چې پر افغانستان د ت.البانو له واکمنۍ راهیسې پاکستان کې وسله والو بریدونو او چادونو زور اخیستی دی.
#Afghanistan #Pakistan
