ويب ډیسک
په تاجکستان کې د روسیې سفیر وايي، هېواد یې د دواړو هېوادونو پر پوله په ختلان ولسوالۍ کې د سرحدي پوستې د جوړولو چارې پیل کړې دي.
دا خبر وروسته له هغه راځي چې د روسیې ولسمشر له خپل تاجک سیال امام علي رحمان سره پر پوله د امنیتي وضعیت اندېښنه څرګنده کړه.
د روسیې سفیر ایګور لیکین فرولوف د دوشنبې په ورځ ټاس خبري اژانس ته وویل، «د تاجکستان او افغانستان پر پوله به امنیتي مسئلې ته ډېره پاملرنه وشي.»
روسیه وایي، د تېرې هوکړې له مخې د تاجکستان د وسله والو ځواکونو د پیاوړتیا لپاره ځینې پوځي تجهیزات سپارل شوي، ترڅو دغه هېواد له هر ډول بهرني ګواښ سره مخ شي.
