ويب ډیسک
د جرمني د بهرنیو چارو وزیره وایي، له افغانانو سره به ولاړ وي او د بشري حقونو له ملاتړه یې لاس نه اخلي.
یادې څرګندونې د جرمني د بهرنیو چارو وزیرې انالینا باربوک د ملګرو ملتونو ځانګړي راپورتر ریچارډ بینټ سره په خبرو کې کړي او ترڅنګ یې د افغانستان پر اوسني وضعیت او د افغانانو پر ملاتړ هم نظرونه تبادله کړي.
ریچارډ بینټ په خپله اېکسپاڼه (ټوېټر)، د جرمني له لوري د افغانانو ملاتړ ستایلی او ټینګار یې کړی چې له بشري حقونو څخه د سرغړونې په برخه کې باید حسابدهي موجوده وي.
د ت.البانو پر حکومت نیوکې کېږي چې له بشري حقونو سرغړونې کوي او د افغانانو اساسي حقونه یې ترې اخیستي، خو ت.الب چارواکي بیا دا ادعاوې ردوي او په رسمیت نه پېژندلو لپاره یوه بهانه یې بولي.
#Afghanistan #German
