ويب ډيسک
د افغانستان کرېکټ ملي لوبډله د ۲۰۲۵م کال چمپینز ټرافي سیالیو په الف ګروپ کې د نړۍ درېیو له پیاوړو سوېلي افریقا، انګلستان او اسټرالیا لوبډلو سره مخ کېږي.
د کرېکټ نړیوالې شورا دوشنبه د مرغومې پر ۳مه له یوې اوږدې ناندرۍ وروسته د دې سیالیو مهالوېش وروستی کړ.
د چمپینز ټرافي سیالۍ د کوربهتوب حق پاکستان ته ورکړل شوی چې لوبې د نوموړي هېواد په راولپېنډۍ، لاهور او کراچۍ ښارونو کې ترسره کېږي.
دا د افغانستان کرېکټ په تاریخ کې لومړۍ ځل دی چې د هېواد ملي لوبډله په دې نړیوالو سیالیو کې لوبې کوي.
په بل ګروپ کې پاکستان، هند، نیوزیلېنډ او بنګلهدېش هېوادونه له یو بل سره مخ کېږي، خو هندۍ لوبډله به خپلې ټولې لوبې د هایبرډ ماډل لهمخې په «متحده عربي اماراتو» کې وکړي.
بل خوا دا پرېکړه هم شوې چې پاکستانۍ لوبډله هم تر ۲۰۲۷م کاله پورې د هند په کوربهتوب هېڅ کومې نړیوالې لوبه کې ګډون نه کوي او لوبې به یې په یو بل درېیم هېواد کې کېږي.
د یادونې ده چې که هندۍ لوبډلې د چمپینز ټرافۍ نیمه پایلوبو او پایلوبې ته لاره پیدا کړه، دا وروستۍ او حساسې لوبې به هم له پاکستانه بهر په متحده عربي اماراتو کې وشي.
