ويب ډیسک
د ایران په سیستان او بلوچستان ولایت کې د پولیسو پر یوه موتړ برید شوی چې له امله یې ۴ پولیس وژل شوي دي.
د ایران پولیسو په وینا یاده پېښه هغه مهال رامنځته شوې چې د پولیسو موټر د خاش-تفتان پر لاره پر ګزمې بوخت ؤ.
دې پېښه کې د وژل شویو کسانو نومونه “مهدي اللهپور، رضا اسماعیلي، محمد رضا شیخي او حسن وحیدي” ښودل شوي دي.
ځایي چارواکو ویلي چې د پېښو عاملینو نیولو لپاره یې قضایي حکم ترلاسه کړی او پلټنې روانې دي.
تر اوسه کوم کس یا ډلې د دغه برید مسؤلیت نه دی منلی.
#Iran
