ويب ډيسک
د افغانستان کرېکټ بورډ خبر ورکړی چې د هېواد ملي لوبډلې پیاوړی پیلیز توپوهونکی رحمنالله ګُربز د «ورانه عضلې اوښتو او برېښ» له امله د زېمبابوې پر وړاندې د یو ورځنیو سیالیو له لوبلړۍ بهر شوی دی.
نوموړي بورډ سهشنبه د لیندۍ پر ۲۷مه په یوې خبرپاڼه کې ویلي چې ګُربز ته د لوبډلې ډاګټر له لوري تر بیا رغېدو پورې د استراحت سپارښتنه شوې ده.
په خبر پاڼه کې راغلي چې د رحمانالله پرځای محمد اسحاق په روانو سیالیو کې د هېواد ۱۸ کسیزې ملي لوبډلې سره یوځای شوی دی.
نوموړی وېکټ ساتونکی او توپوهونکی دی.
دې سره خوا کې، مجیبالرحن ځدراڼ ته هم له روغتیایي پروسې او معایناتو وروسته د استراحت سپارښتنه شوې ده.
د نوموړي اړوند ډاکټر ویلي چې مجیب دې د یو ورځنیو لوبو پر مهال استراحت وکړي، ترڅو په بشپړه توګه روغ او په ډاډمن ډول لوبو ته چمتو شي.
دا په داسې حال کې ده چې د افغانستان ملي لوبډلې بل پیلیز توپوهونکی ابراهیم ځدراڼ هم له اوږدې مودې راهیسې د پښې ټپ له امله له لوبو بهر او تر درملنې لاندی دی.
