ويب ډیسک
د پاکستان حکومت پرېکړه کړې، چې له نږدې څلورو میاشتو وروسته خپل سفیر یو ځل بیا روانه اونۍ افغانستان ته ولېږي.
د راپورونو له مخې دا پرېکړه له امیرخان متقي سره د پاکستان د بهرنیو چارو وزیر بلاول بټو زرداري له ټيلیفونې اړیکې وروسته شوې ده.
ويل کېږي، د پاکستان سفیر به له کمکي اختره مخکې کابل ته ستون شي.
په کابل کې د پاکستان سفیر عبدالرحمن نظاماني څلور میاشتې مخکې، د پاکستان پر سفارت له یوه برید وروسته خپل هېواد ته ستون شوی ؤ. د یاد برید مسؤلیت د داعش خراسان څانګې منلی ؤ.
د پاکستان تر څنګ د سعودي عربستان ډيپلوماتان هم له کابله وتلي ؤ. د تا.لبانو ویاند هغه وخت ویلي ؤ چې یاد ډیپلوماتان د یوې روزنې لپاره تللې او اونۍ وروسته به بېرته را ستانه شي، خو تر دې دمه یې د ستنېدو رسمي خبر نه دی خپور شوی.
بله خوا تا.لبانو ویلي قزاقستان هم ورسره منلې چې په هغه هېواد کې به یې ډیپلوماتان ومني.
#Afghanistan #Pakistan
