ویب ډیسک
په تیرو شلو کلونو کې په افغان جګړه کې دوه سوه او ۴۲ زره کسان وژل شوي چې لوی شمېر یې ملکي وګړي دي.
د جګړې د لګښت یا (کاسټ اف وار)بنسټ له لوري په تازه خپاره شوي راپور کې ویل شوي، چې په تیرو دوو لسیزو کې ۲۴۱۰۰۰ کسان په مستقم ډول د دې جګړې له امله وژل شوي، چې لږ تر لږه یو اویا زره ۳۴۴ تنه یې ملکي وګړي دي.
د دې راپور پراساس، د افغان جګړې پرمهال۲۴۴۲ امریکايي سرتیري، ۷۸۳۱۴ افغان امنیتي ځواکونه او ۸۴۱۹۱ وسله وال مخالفین وژل شوي دي.
د یاد راپور پراساس، پر دې جګړه ۲.۲۶ ټریلینونه ډالره لګښت راغلی دی.
