د امریکا د «ډیس موینس رجسټر» ورځپاڼې د راپور له مخې، ملاله یوسفزۍ د ۲۰۲۶ کال د نارمن بورلاګ نړیوالو خبرو اترو د یوې اصلي ویناوالې په توګه ټاکل شوې ده.
د نړیوال خوراک جایزې بنسټ د سپټمبر پر ۱۵مه اعلان کړی چې یوسفزۍ به د دغو خبرو اترو په ترڅ کې وینا وکړي. دغه کلنۍ غونډه د امریکا د ایووا ایالت په ډیس موینس ښار کې ترسره کېږي او د نړۍ له بېلابېلو هېوادونو څخه د لوږې او نړیوال خوراکي خوندیتوب پر موضوع د کار کوونکي کسان پکې ګډون کوي.
ملاله یوسفزۍ د نجونو د زدهکړو د ملاتړ له امله پېژندل کېږي. هغې په ۲۰۱۴ کال کې د سولې نوبل جایزه ترلاسه کړه او هغه مهال د دې جایزې تر ټولو کمعمره ګټونکې وه.
یوسفزۍ په ۲۰۱۳ کال کې د «ملاله فنډ» په نوم بنسټ جوړ کړ، چې په بېلابېلو هېوادونو کې د نجونو د زدهکړو د فرصتونو د پراخولو لپاره فعالیت کوي.