ویب ډیسک
د افغانستان لپاره د اروپایي ټولنې ځانګړی استازې توماس نېکولسن ویلي، چې اروپايي ټولنه به د نړيوالو سازمانونو او غير دولتي موسسو له لارې د افغانانو سره مرستو ته دوام ورکړي.
د خوړو نړیوال پروګرام د پنجشنبې په ورځ په یوه راپور کې ویلي ؤ، چې په ۲۰۲۲ کال کې د دغه سازمان له لارې د اروپايي ټولنې مرستې په ۲۷ ولایتونو کې ۴۲۷ زره کسانو ته رسېدلې دي.
د خوړو د نړیوال پروګرام د راپور له مخې، دغه سازمان هغو افغانانو ته چې د دوی په روزنیزو کورسونو کې برخه اخلي، یو میاشت خوراکي کڅوړه یا نغدي مرسته کوي.
د خوړو نړیوال پروګرام په روزنیر کورسونو کې برخهوالو ته د ځانګړو مهارتونو لکه د مېوو او سبزیجاتو کښت او د کرنیزو محصولاتو بازار موندنې برخه کې روزنه ورکول کیږي.
د طالبانو له واکمنۍ وروسته افغانان د یو ستر اقتصادي ناورین سره مخ شوي، چې ګن شمېر افغانان د خپل ژوند تېرولو لپاره بشري مرستو ته اړتیا لري.
