ويب ډیسک
د افغانستان د ملي دفاع وزارت وایي چې دفاعي او امنيتي ځواکونو سره متقابل بریدونو او نښتو کې ۲۶۷ طالبان ووژل شول، ۱۱۹ ټپیان شول او ۴ نیول شوي
همداراز د دښمن یوه اندازه وسلې او مهمات له منځه وړل شوي.
د دې په خواکې ۱۳ بېلابېل ډول ماینونه چې طالبانو د هېواد په مختلفو سیمو کې د ملکي خلکو، دفاعي او امنیتي ځواکونو د تګ راتګ په لارو کې ځای پرځای کړي وو، د ملي اردو ځواکونو له لوري کشف او خنثی شول.
دغه طالبان د هېواد ننګرهار، لغمان، کندهار، هرات، بلخ، فاریاب، جوزجان، هلمند، بدخشان، کندوز، تخار، کاپیسا او کابل ولایتونو کې وژل شوي، ټپیان شوي او نیول شوي دي – تراوسه طالبانو په دې اړه څه نه دي ویلي
