ويب ډیسک
ترکي رسنۍ وايي، د دغه هېواد پولیسو د زلزلې له امله ویجاړو شویو ودانیو کې د غلا په تور ۴۰ کسان نیولي دي.
يادو رسنيو نن يکشنبه د سلواغې ۲۳مه راپور ورکړی چې چې له دغو کسانو څخه نغدې پيسې، ګاڼې، بانکي کارټونه او وسلې هم ترلاسه شوي دي.
په ورته مهال په دوو جلا پېښو کې د جرمني دوو مرستندويه ډلو په زلزله ځپلو سيمو کې د امنيتي اندېښنو له هغې ډلې د مرستندويه کارکوونکو پر لوري د ډزو د راپورونو د خپرېدو له امله خپل فعاليتونه ځنډولي دي.
د اتریش د پوځ یوې مرستندویه ډلې هم خپل کار درولی و، خو وروسته یې د ترکیې د پوځ تر ساتنې او څار لاندې کار ته دوام ورکړ.
