ویب ډیسک
امريکا او نورو غربي هېوادونو په دې وروستيو کې هڅه کړې چې د نړۍ د انرژۍ بيو د لوړوالي او د انفلاسيون پړه پر روسيې واچوي.
د روسيې ولسمشر ولاديمير پوټين د جون په ۹مه نېټه د دې په ځواب کې ويلي، چې پر روسيې د لوېديځو هېوادونو بنديزونه په دغو هېوادونو کې د انرژۍ بيو د لوړېدو ستونزې د رامنځته کېدو لامل دی.
نوموړي وويل، روسيه به د لویدیځ له بندیزونو سره سره له اقتصادي پلوه ځان ګوښه نه کړي او د ځان لپاره به خنډونه جوړ نه کړي.
دا ناشونې ده چې له بهر څخه د روسیې په څیر هیواد محدود شي. ډیر بهرني شرکتونه چې د روسیې بازار پریږدي، په خپلو پریکړو به پښیمانه شي.
