ویب ډیسک
د ژغورنې او مرستدویه چارو ادارې (رېسکیو ۱۱۲۲) د رسنیو ته په استولي بیان کې ویلي دي چې چاودنه د مارچ ۱۰مې پر سهار د بورډ بازار پر ناصر باغ سړک شوې ده.
بیان وايي، ژوبل کس یې د درملنې لپاره روغتون ته لېږدولی دی.
اداره د لومړنیو معلوماتو پر اساس وايي چې ښايي چوونکي مواد په یو موټرسایکل کې ايښي ول.
خو پولیسو لا د پېښې د نوعیت په اړه څه نه دي ویلي.
د چاودنې ذمه واري لا چا نه ده منلې.
په خیبر پښتونخوا کې امنیتي وضعیت د ۲۰۲۲ز کال له پای راهیسې خراب دی. خو حکومتي او امنیتي چارواکي وايي چې د امنیت ټینګښت ته ژمن دي او د وسلوالو پرضد یې هدفي عملیاتو ته دوام ورکړی دی.
