ویب ډیسک
د افغانستان پخوانی ولسمشر اشرف غني د ملي عوامي غورځنګ په مشر محسن داوړ برید غندی او دایي بزدلانه او وحشیانه برید بللی.
ښاغلي غني په خپل ایکس پاڼې لیکلي:«د آزادۍ او عدالت دښمنان تل د هغه غورځنګونو او شخصیتونو د له منځه وړلو هڅه کړې چې پر آزادۍ مین قومونو د سياسي حقونو لپاره مبارزه کوي، د استبداد په ضد دريږي او خپلو ولسونو ته د بشر لومړني حقونه غواړي. »
پخواني ولسمشر محمد اشرف غني وایي باوري دی چې پدې ظالمانه اعمالو د ازادۍ غږونه نشي بندیدای ، او ویلي د جبر او استبداد دا ټغر به اخر ټولېږي.
