ملګرو ملتونو رپوټ: ۲۷۴ نارینه، ۵۸ ښځې او دوه ماشومان په تیرو شپږو میاشتو کې په افغانستان کې په درو وهل شویدي.

ويب ډیسک

په افغانستان کې د بدني مجازاتو او د اعدام د سزا په اړه د ملګرو ملتونو رپوټ نن خپور شو: ۲۷۴ نارینه، ۵۸ ښځې او دوه ماشومان په تیرو شپږو میاشتو کې په افغانستان کې په عام محضر کې په درو وهل شویدي.

د یوناما د بشري حقونو د برخې مشره فیونا فریزر وايي: “بدني مجازات د شکنجې پر وړاندې کنوانسیون څخه سرغړونه ده او باید ودرول شي. ملګري ملتونه د مرګ له سزا سره په کلکه مخالف دی او واکمن چارواکي هڅوي چې په عاجل ډول د اعدام سزا بنده کړي.”